• गृहपृष्ठ
• संस्थागत परिचय
• लिङ्क्स
• पूर्व अङ्कहरू
• सम्पर्क ठेगाना / पाठक प्रतिक्रिया

मञ्जु काँचुली

मोनालिसाको चित्र

आधा आँखा हाँसेको छु त 
आधा आँखा रोएको छु 
आधा मन अघाएको छु त 
आधा मन भोकाएको छु 
यी झुत्रे आशाहरूलाई
आँखाको आधा सुकेको पानीले टल्काएर 
यो मनलाई
विशाल समुद्रको मायाको पानीबाट फर्काएर
भित्तामा टाँगिएको
मात्र एउटा विवशताको अर्पण लिएर 
आधा,
मौनतासँगै अनुहार हराइरहेछु 
आधा,
भावगङ्गाको उज्यालो अँध्यारो सुरुङमा 
यो मन हराइरहेछु 
यो भित्ते पानाको लामो पर्खाइमा
म, मेरै चित्रकारलाई खोजिरहेछु ।