विश्वसाहित्य:
जिडि माजिया (चीन)
चट्टानहरु
तिनीहरुको आकृती नोसुका मानिसहरुसँग मिल्छजो बस्छन् एकलासको हिमाली क्षेत्रहरुमा
हेर्दा जीवनरहित देखिने यि वस्तुहरु
कालो निधारमा चीलको नङ्ग्राले चिथोरेको जस्ता देखिन्छन्
जब वर्षौका भावनाहरु सतहमाथि आएर बग्न थाल्छ
र मायावी क्रृतुहरु भएर गुज्रिन्छ
स्वतन्त्र सपनाहरु र दिशाहीन सम्झनाहरुले
अनन्तकालको आकाश र परिचित माटोको सर्वेक्षण गर्छ
घामको आगोले त्यसलाई सल्काएपछि मात्र
तिनीहरुले मृत्युको निद्रातिर पहुँच पाउँछन्
तर कसले मलाई भनिदिन सक्ला, कस्ता मानवीय दूर्भाग्य
यसमा समाहित छन्
मैले धेरै जीवनरहित वस्तुहरु देखेको छु
जसको आकृति नोसुका मानिसहरुसँग मिल्छ
शताब्दीयौं शताब्दीसम्मको मौनताले पनि
उतिहरुको वेदनालाई हलुका गर्न सकेको छैन ।
अङ्ग्रेजीबाट अनुवादः केशव सिग्देल
