विश्वसाहित्य:
ड्रागन ड्रागोज्लोभिक (सर्विया)
डानुबे नदीमा
यो तारा मेरो हो
त्यो चाहीँ तिम्रो।
एउटा परिचित आवाजले
आकाशगङ्गामा हामीलाई लखेट्छ
आमाको आवाज अनुत्तरित छ।
हामी कहाँ छौं?
नक्कली झ्याउकिरीहरु
व्यभिचारको कुरा गरिरहेछन्।
के हामी कहिल्यै
हाम्रो दृष्टिभन्दा परको जमिनमा रहेको
त्यो हरियो जङ्गलसम्म पुग्न सकौंला
जहाँ मैले तिमीलाई चुम्बन गरेको थिएँ।
तिम्रो मौनताको मुन्तिर
रात्री उक्लिरहेछ।
तिम्रो शरिरभन्दा मुनि
डुनाबे नदी मेरो नाम बोलाइरहेछ।
घडी हाँस्छ,
अब समय बाँकी छैन।
अनुवादः केशव सिग्देल
