विश्वसाहित्य:
फिलिप निकोलेभ
होटल
हावाका भंगेराहरु पुनः गणना गर्ने समय हो यो ।
आफ्नै राजाइको एउटा सिंढिमा बसेर
म तिनीहरु देखापर्दै र हराउँदै गरेको दृष्य हेरिरहेछु ।
आजको रात पानीजहाजको यो खुला सतहमा भयंकर शान्ति छ
यद्यपी गोधुली आफैं एउटा अशान्त समय हो ।
म खुशी छु, म हयातमा होइन यहाँ छु ।
मेरा कलम, आँखा, टिपोटहरु, घडी, ह्विस्कीको गिलास र नर्क
सबै आनन्दपूर्वक मिलेर झुण्डिरहेका छन् ।
पीडा नै मेरो मनपरेको रिसोर्ट होटल हो ।
अङ्ग्रेजीबाट अनुवादः केशव सिग्देल
