• गृहपृष्ठ
• संस्थागत परिचय
• लिङ्क्स
• पूर्व अङ्कहरू
• सम्पर्क ठेगाना / पाठक प्रतिक्रिया

ओल्फा फिलो (ट्युनिसिया)

कैदी

कारावासकारावासकारावासमा छ
मेरो जिब्रो मेरो मुखभित्र
अनि कसरी गर्नू जुध्नु झूठ र मिथ्या कुरासँग?
कारावासकारावासकारावासमा छ
मेरो मस्तिष्क मेरो टाउकाभित्र
सिकाउनुछ अनेकौँ मसिना सोचाइलाई,
कारावासकारावासकारावासमा छ
मेरो हृदय मेरो छातीभित्र
सफा गर्नुछ अनेकौँ मैला मनहरूलाई,
कारावासकारावासकारावासमा छ
मेरो मुहारमा मेरो सम्पूर्णता
सन्देह छ अरू सबै खुबीप्रति ‘उसलाई’,
कारावासकारावासकारावासमा छ
‘सुनको पिँजडा’भित्र मेरो जीवन
केटाकेटी, भातभान्सा र ओछ्यान; पहुँचबाहिर छन् बाँकी सबथोक !
कारावासकारावासकारावासमा छ
मेरो आत्मा मेरो शरीरभित्र
घेरा भत्काएर उम्कनु छ, र चर्किन्छन् मेरा अस्तिहरू,
कारावासकारावासकारावासमा छ
पृथ्वीमा मेरो शरीर।

स्व त न्त्र ता का लागि
कहिलेसम्म चिच्याइरहनुपर्नेछ मैले?

(अङ्ग्रेजीबाट सुमन पोखरेलद्वारा अनुदित)