• गृहपृष्ठ
• संस्थागत परिचय
• लिङ्क्स
• पूर्व अङ्कहरू
• सम्पर्क ठेगाना / पाठक प्रतिक्रिया

रोबर्ट एम. गियानेटी
(संयुक्त राज्य अमेरिका)

बुढो किताब बिक्रेता

म किताबको रखनधरन गर्ने मानिस हुँ।
मौरीपालकले जसरी
म तिनीहरुको ख्याल राख्छु।
तिनीहरुले मलाई कहिल्यै ठुँगेका छैनन्।
म मास्क र पन्जा लगाउँछु
रोपाईंको
ज्ब म तिनीहरुलाई छुन्छु,
घारबाट निकालेर
म त्यसमा महको चाका खोज्छु।
म त्यसको केही अंश आफैं खान्छु,
तर धेरै भाग अरुलाई नै जान्छ,
त्यसले उनिहरुका पेय
मिठाई र मिजासलाई गुलियो पार्छ।
त्यसलाई भण्डारकक्षमा जारमा ल्याइन्छ,
र लामोसमयसम्म आलमारीमा रहन सक्छ।
तर अन्ततः त्यसले बाटो पाउँछ
मस्तिष्कका चम्मचहरुमा।
बहुलठ्ठीपन वा उदासिमा खन्याइएर
त्यो मुखमै बस्छ
र मुस्कानका कुनाहरुलाई
मौन सन्तुष्टिले फेरिदिन्छ।

अनुवादः केशव सिग्देल