विश्वसाहित्य:
अतओल बेरामोग्लु (टर्की)
शहर छोड्ने बेला
शहर छोड्ने बेला सम्झिने भनेको
प्रायः ससाना कुराहरु हुन्
खाद्यान्न सामाग्री पसलको बिल तिरिन्छ
अन्तिम क्षणमा, टाढाको चिनजान भएकोमा पनि पुगिन्छ
शहर के हो र शहरले एउटा व्यक्तिलाई
छाड्ने कुरा के हो
धुलाम्य सडकहरु परैसम्म फैलिन्छन्
र थेप्चिएका हिमालमा गएर टुङ्गिन्छन्
शहर छाड्ने बेला, यो थाहा भएकै कुरा हो
एउटा स्वास्नीमानिसलाई पनि पछाडि छोडिन्छ
तिमी जङ्गलको बीचमा हिँड्न सक्छौ
उनको अनुहार आफूसँगै बोकेर
र खोलाहरुको बहाबले सधै
विगतको कुरा सम्झाउने गथ्र्यो
त्यस्तो यसकारणले हुन्थ्यो कि त्यो धमिलो थियो
अथवा अन्तिममा ग्रिष्म ऋतु पनि थाहै नपाई बुढो भएर हो
ग्रिष्महरु, शहरहरु र स्वास्नीमानिसहरु
आफ्नो प्रेमलाई पछाडि छोडेर जानुको अवसाद
यि कुरा भएर गुज्रिरहेछन् सबै केटाकेटीहरु
र सबै कविहरु
अनुवादः केशव सिग्देल
