• गृहपृष्ठ
• संस्थागत परिचय
• लिङ्क्स
• पूर्व अङ्कहरू
• सम्पर्क ठेगाना / पाठक प्रतिक्रिया

गाम्बोजाभ मेन्ड–ओयो
(मङ्गोलिया)

एउटा पुरानो मन्दिर माथिको जून (कविता)

जून पुरानो मन्दिरको माथिल्तिर उदाउँछ
त्यसको रुपान्तरित उज्यालोले गजुरलाई सजाउँछ ।
बासुँरीबाट वायु वहन्छ, र
र हृदय फेरी एकपल्ट सूदूर सम्झनाले भरिन्छ ।

ढुङ्गाका कापहरुबीचबाट जङ्गली घाँसहरु उम्रिन्छन्
ती सडकहरुमा जहाँ बुद्धहरु भेला हुन्छन्
तर म देखिरहेको छैन कहाँ गएका छन् बुद्धहरु
किनकी समय अगावै प्रकाश अतिविघ्न चम्किएकोछ ।

जून त्यो पुरानो मन्दिरमाथि उदाउँछ
त्यसको रुपान्तरित प्रकाश प्रत्येक हृदयमा चम्किन्छ
बाँसुरीले मलाई पीडाको संसारबाट टाढा पुर्याउँछ
बुद्धको सूदूर उज्यालोलाई बोलाउँछ ।

मन्दिरको छायाँले यसको अर्थ छोपिदिन्छ
जसरी शब्दहरु प्राचीन मसीमा विलोप हुन्छन्
मानवीय पीडाको छायाँमाथि
मस्तिष्कको मैनबत्तीले कुनै उज्यालो दिन सक्दैन ।

बुद्धको एउटा चम्किलो परिदृष्टि
सुन्दरतम धुलोको कणमा पनि भेट्न सकिन्छ
बाँसुरीको धुनमा स्वर्ग छ
र पुरानो मन्दिरमाथि जून उदाइरहेछ ...

अनुवादः केशव सिग्देल