नेपाली कलासाहित्य डट कम प्रतिष्ठान
ललितपुर, नेपाल
२०६२
"सद्भाव र सिर्जना"
राष्ट्रको साझा गौरव नेपाली कला, साहित्य, संस्कृति, दर्शन, इतिहास एवम् विविध क्षेत्रमा राष्ट्रिय तथा अन्तर्राष्ट्रिय स्तरमा अध्ययन, अनुसन्धान, प्रकाशन, सम्मेलन, भ्रमण, गोष्ठी आदिको व्यवस्था गरी नेपाली कला, साहित्य, दर्शन, इतिहास र संस्कृतिको उत्थानका लागि विविध प्रयासहरू गर्ने उद्देश्यले यस नेपाली कलासाहित्य डट कम प्रतिष्ठानको स्थापना गरिएको हो ।
उद्देश्यः
१. नेपाली कला, साहित्य, इतिहास र संस्कृतिको विकासका लागि अध्ययन-अनुसन्धानजस्ता कार्यक्रमहरू सञ्चालन गर्ने ।
२. नेपाली कला, साहित्य, इतिहास र संस्कृतिका विषयमा अनलाइन वेभ पत्रिका प्रकाशन गर्ने -जसलाई अनुवादसहित प्रकाशन गर्न सकिनेछ) ।
३. नेपाली कला, साहित्य र संस्कृतिसम्बन्धी विचार-सिर्जनाहरू अन्तर्राष्ट्रिय क्षेत्रमा आदानप्रदान गर्ने ।
४. नेपाली कला, साहित्य, संस्कृति र इतिहासको उत्थानका लागि राष्ट्रिय एवम् अन्तर्राष्ट्रिय स्तरमा सम्मेलन, भ्रमण, गोष्ठी आदि सञ्चालन गर्ने ।
५. साहित्यकार एवम् कलाकारहरूको स्वास्थ्योपचारका लागि उपचार कोषको व्यवस्था गर्ने ।
६. नेपाली कला, साहित्य र संस्कृतिका क्षेत्रमा अक्षय कोषको स्थापना र पुरस्कारको स्थापनाका साथै विद्वत्वृत्ति पनि प्रदान गर्ने ।
७. साहित्य, संस्कृति एवम् कलाका विषयमा छपाइसमेत विभिन्न विधाका कृति तथा पत्रिकाका रूपमा कलात्मक प्रकाशन गर्दै जाने ।
८. साहित्य, संस्कृति एवम् कलाका क्षेत्रमा विशिष्ट योगदान पुर्याउने स्रष्टाहरूलाई सम्मानित, पुरस्कृत र अभिनन्दित गर्ने ।
वार्षिक कार्ययोजनाः:
- पुरस्कारस्थापना
- पुस्तकप्रकाशन
- कविताको छायाङ्कन तथा साँस्कृतिक वृत्तचित्र निर्माण
- अनलाइन वेब पत्रिका प्रकाशन
- साहित्यकार उपचारकोष स्थापना
- कला-साहित्ययात्राको प्रारम्भ
- विद्वतवृत्तिको स्थापना
- पर्यटकीय महत्त्वका क्षेत्रलाई सिर्जनात्मक बनाउने प्रयास
- कलाका माध्यमद्वारा सदभावपूर्ण शान्तिमार्ग पहिल्याउने प्रयास
|
